Prikichi / Brown-throated parakeet / Maisparkiet
Eupsittula pertinax syn. Aratinga pertinax
E prikichi Ataringa pertinax ta un espesie di prikichi ku ta pertenesé na e famia di papagai. E para aki su largura ta varia entre 16-18 cm. E ta un para mashá sosial i ta biba na grupo grandi.
E prikichi tin un koló predominantemente bèrdè, ku un barika hel. E alanan tambe ta bèrdè, tin biaha ku tintnan blou. E machu i e muhé no ta diferensia mashá den aparensia, ounke e machu por ta un poko mas briante di koló. E prikichi ta preferá áreanan habrí manera sabana, tereno ku yerba i áreanan montañoso. Hopi biaha por hañánan serka di fuentenan di awa i áreanan di agrikultura.
Por lo general e prikichi ta buska kuminda den grupo. Nan ta alimentá prinsipalmente riba simia, fruta, flor i blachi. Nan por kome tambe kultivo agrikultural manera maishi, loke tin biaha por hasi nan un plaga pa kunukeronan.
Den Kabouterbos bo por opservá hopi prikichi. Den oranan di mainta i atardi nan por hasi mashá boroto. Kabouterbos ta un lugá ideal kaminda nan por haña kuminda i awa. Nan por usá e parke aki tambe komo lugá di brui. Tin biaha e prikichi ta pone webu den un nèshi di komehein. Si bo haña un nèshi aktivo, mantené distansia i laga nan na pas. Pa mas informashon Brown-throated Parakeet – eBird
Garao / Limpkin / Koerlan
Aramus guarauna
E garao ta un para di awa manera un garza ku pluma maron saká ku mancha i strepi blanku riba henter su kurpa. E plumahe ta pèrkurá bon kamuflahe. E para akí tin un pik largu i kròm i pianan largu. Esaki ta yuda pa buska kuminda fásilmente den awa plat i den muras.
Bo ta haña e garao den regionnan tropikal i subtropikal di Norteamérika i Suramérika. Nan ta habitá prinsipalmente áreanan papá ku awa hopi vegetashon akuátiko manera muras, den pal’i mangel i na oría di riu i lago.
E para ta konosí pa su gritu duru, ku ta zona partikularmente den anochi i den oranan trempan di mainta. Su yamada ta anunsiá otro para i bestianan (i tambe hende) ku e ta presente den e área.
Na mart 2024 a opservá e garao pa promé biaha na Kòrsou. E opservashon akí a tuma lugá den Kabouterbos. E garao su alimento ta konsistí kasi eksklusivamente di kokolishi apel (nò na Kòrsou). Ta sospechá ku e garao mirá den Kabouterbos ta kome e kokolishi Afrikano gigante, un espesie invasivo. No ta konosí kuantu tempu e garao tabata den Kabouterbos. Despues di un luna di opservashon no a mir’é mas den e área. Pero ken sa, kisas bo tin chèns di bolbe mir’é den e siguiente temporada di migrashon invernal! Pa mas informashon Limpkin – eBird
Rabu kòrá / American redstart / Amerikaanse roodstaart
Setophaga ruticilla
E rabu kòrá, tambe konosí komo e para kòrá merikano, ta un para kantadó chikitu ku ta krese te un largura di mas òf ménos 11-12 cm. E machu adulto tin un koló pretu i oraño impreshonante. Nan kabes, lomba i rabu ta pretu, ku mancha oraño briante na banda di ala i base di e rabu. Koló di e muhe i e machu pichòn ta maron-oleifi ariba ku manchanan hel riba e alanan i rabo. E kanto di e rabu kòrá ta kla ku silbido ku ta varia. E machu ta usa su kanto pa marka teritorio i atraé e para muhé.
Mayoria biaha e para aki ta buska kuminda bulando i kapturando insekto for di laira, un komportashon karakterístiko di e tipo di espesie di para akí. Nan ta alimentá nan mes prinsipalmente ku insekto i araña, pero den ougùstùs i invierno nan ta kome bèrdura tambe.
Na Kòrsou, e rabu kòrá ta un bishitante migratorio regular for di norteamèrika. Sa opservá e para regularmente den Kabouterbos durante e periodo ei. Su presensia ta mashá dependiente di e kantidat di awa den un área. E rabu kòrá ta mashá aktivo i ta bula den e vários palunan, mientras e ta spreit su alanan di rabu regularmente. Esaki ta hasi difísil pa saka su potrèt, pesei ta mihó pa opserv’é ku vèrekèiker. Pa mas informashon American Redstart – eBird
Garao / Limpkin / Koerlan
Aramus guarauna
E garao ta un para di awa manera un garza ku pluma maron saká ku mancha i strepi blanku riba henter su kurpa. E plumahe ta pèrkurá bon kamuflahe. E para akí tin un pik largu i kròm i pianan largu. Esaki ta yuda pa buska kuminda fásilmente den awa plat i den muras.
Bo ta haña e garao den regionnan tropikal i subtropikal di Norteamérika i Suramérika. Nan ta habitá prinsipalmente áreanan papá ku awa hopi vegetashon akuátiko manera muras, den pal’i mangel i na oría di riu i lago.
E para ta konosí pa su gritu duru, ku ta zona partikularmente den anochi i den oranan trempan di mainta. Su yamada ta anunsiá otro para i bestianan (i tambe hende) ku e ta presente den e área.
Na mart 2024 a opservá e garao pa promé biaha na Kòrsou. E opservashon akí a tuma lugá den Kabouterbos. E garao su alimento ta konsistí kasi eksklusivamente di kokolishi apel (nò na Kòrsou). Ta sospechá ku e garao mirá den Kabouterbos ta kome e kokolishi Afrikano gigante, un espesie invasivo. No ta konosí kuantu tempu e garao tabata den Kabouterbos. Despues di un luna di opservashon no a mir’é mas den e área. Pero ken sa, kisas bo tin chèns di bolbe mir’é den e siguiente temporada di migrashon invernal! Pa mas informashon Limpkin – eBird
Rabu kòrá / American redstart / Amerikaanse roodstaart
Setophaga ruticilla
E rabu kòrá, tambe konosí komo e para kòrá merikano, ta un para kantadó chikitu ku ta krese te un largura di mas òf ménos 11-12 cm. E machu adulto tin un koló pretu i oraño impreshonante. Nan kabes, lomba i rabu ta pretu, ku mancha oraño briante na banda di ala i base di e rabu. Koló di e muhe i e machu pichòn ta maron-oleifi ariba ku manchanan hel riba e alanan i rabo. E kanto di e rabu kòrá ta kla ku silbido ku ta varia. E machu ta usa su kanto pa marka teritorio i atraé e para muhé.
Mayoria biaha e para aki ta buska kuminda bulando i kapturando insekto for di laira, un komportashon karakterístiko di e tipo di espesie di para akí. Nan ta alimentá nan mes prinsipalmente ku insekto i araña, pero den ougùstùs i invierno nan ta kome bèrdura tambe.
Na Kòrsou, e rabu kòrá ta un bishitante migratorio regular for di norteamèrika. Sa opservá e para regularmente den Kabouterbos durante e periodo ei. Su presensia ta mashá dependiente di e kantidat di awa den un área. E rabu kòrá ta mashá aktivo i ta bula den e vários palunan, mientras e ta spreit su alanan di rabu regularmente. Esaki ta hasi difísil pa saka su potrèt, pesei ta mihó pa opserv’é ku vèrekèiker. Pa mas informashon American Redstart – eBird